Von Faslam taun Kostümball vun Behrend Böckmann
In't Johr 1662 hett dei reformierte Gustav Adolf as dei letzt Herzog von Güstrow dörch 'n Order Adel un Unadel verbåden, sik tau Faslam, Martini un Ruklaas nå ollen heidnischen Bruk tau verkleeden un ümhertautrecken. wer dat hett nich hulpen, ut den Ruklaas wür låters dei Wihnachtsmann, Faslam hett sik ok hollen un wür hier un dor sogor taun Karneval un so ganz näbenbi sett sik ok noch dei Kostümball dörch. Hier un dor wür disse Ball ok as Lumpenball
fiert. Ob so orrer so, tau dei Verkleedung keem noch 'n Larf för't
Gesicht hentau, man wull un süll sik ja unkenntlich måken.
Un wägen disse Larf dit Wurt kümmt von't latinsche
Wurt larva, wat Gespenst orrer Späukel un up Hochdüütsch
ok Maske bedüden deit wür hier un dor ok von
Maskenball språken. Dat rööcht ünner Ümstänn'
dorher, dat Giuseppe Verdi dat franzöösch Theoterspill
"Le ball masqué" von Eugène Scribes as
Libretto för sien Oper "Un ballo in maschera" nähm.
Disse hüt weltbekannte Oper wür an'n 17. Hornung (Februar)
1859 taun iersten Egål, ob Kostümfest, Masken- orrer Lumpenball
man mösst sik verkleeden un dörst bet tau dei
"Demaskierung" üm Middernacht nich tau erkennen
sien. wer Gäst, dei taun Kostümball wullen, harrn
keinen Kostüm- un Maskenmåker anne Sied, as dat in't
Theoter dei Fall is. Sei mössten sik sülben wat infallen
låten. Hüt gifft dat Kostüme un Larwen in Hülle
un Fülle, sogor "onlein" tau köpen orrer för
'n Tiet tau hüern. Man kann Obama-, Mama Merkel- un Trumpmasken
köpen, Kostümfeste wiern tau bestimmte Tieden ok Vereinsvergnäugen,
wo dei Gäst sik utlåten künnen un niege Bekanntschaften
söchten. Besonners nå schwere Tieden, wenn väle
Mannslüd dörch den Krieg nich wedder nå Hus kåmen
sünd, hett männig junge Wittfru nå't Truerjohr
up disse Oort 'n niege Bekanntschaft funnen. Un näben all dissen Spijök gifft dat ok Bäll, wo sik dei Lüüd nich verkleeden, sonnern nå't Motto "Wiesen, wat 'n hett" ankleeden möten. Denken wi dor blot an denn Semper- orrer Wiener Opernball, an'n Landspresseball, an'n Handwarkerinnungs- un anner Bäll för Rieke un Schöne. |
|
3.2.2024 |