Vun Fischpött un Fischsuppen

vun Rudi Witzke

Dat weer in'n Januar 1978. Dor keem dat över uns. All uns Frünnen vertellten vun wunnersame Belevnisse up ehr veele Reisen. Wi harrn mit Huusbuu un Kinner uns Deil. Mit unsen VW Variant föhrten wi sommers na de Kåmer Scharbeutz, wat en Afhang mit ole Bäuken is. De Kåmer liggtan'n Scharbeutzer Strand. Doch dor keem uns die Iesfohrt vun de "Finnjet" vun Travemünn na Helsinki un retour in de Mööt. Nu reisten ok wi in de wiede Welt.

"Finnjet", Bild Kjet/Wikimedia Commons

Wi harrn uns, wenn schon, denn schon, in een Kabien an de Butensiet inquarteert. Morgens weckte und een Schråpen un Knacken. Ut dat Finster sehgen wie denn een Droomwelt; glitzernd Ies, blage Heven mit ugåhn Sünn. Dat weer een Ies-Märken. Dat durte in'n Håben vun Helsinki een Tiet, ehrdat grote Schipp fastmaakt harr.
Nu harrn wi den ganzen Dag frie un kunnen dörch Helsinki ströpern. Wi bleven up'n Fischmarkt hangen. So wat harrn wi noch nie seihn. Lachse, echte Lasse, lüttere un heel groote.

Lass

De annern Fisch weern ok staatsch Burschen mit kurioos Utseihn, aver de Lass harr uns dat andåån. Wat weer dat? Welk Lüüd köfften ganze Fisch, de meisten aver bloots dat Filet, dat die Fischfruu flink afsneed. Kopp un Rest vun'n Schwanz mit veel Fleisch an smeet se in een Kist.

Lasskarkassen

De Kist mit de "Affäll" weer binah full, dor keem een kræftig Kierl und köffte de Kist vull Lassreste för wenig Geld. Domaals wüßten wi noch nich, dat disse Affall Lass-Karkassen nöömt ward. Also weer uns Upregen ümsüss. De ganze Lass wöör nütt. Woans un wotau, dat wüßten wi lang nich. Hüüt, wo ik en olen Knacker bün un nich miehr ut Huus kaam, kann ik mi de ganze Welte "digitaal" över dat Internet halen. Un dor finn ik bi "DasKochrezept.de" Rezepte ut de ganze Welt. Heff ik nu naug Reklaam för "DasKochrezept.de" maakt? Ik will nämlich wat ziteeren, wat de Maker vun "DasKochrezept.de" rutfunnen hebbt.

DasKochrezept.de
Norwegische Fischsuppe (Norsk fiskesoppa) für arme Leute
Fisch, Lachs, Sonstiges, Suppen & Eintöpfe

Zubereitung für Norwegische Fischsuppe (Norsk fiskesoppa) für arme Leute:
Die Fischabschnitte sowie den Fischbauch von dem roten Filet trennen, die Filetstücke in goulaschgrosse Stücke schneiden, Haut, Gräten usw mit dem Suppengrün und Salz aufkochen und 45 Min. ziehen lassen. Durch ein Sieb seihen. In der Zwischenzeit die Kartoffeln schälen und in kleine Würfel schneiden, den Lauch (Porree) waschen und nur das weisse resp. das hellgrüne in Scheiben schneiden. Den Fischsud durch ein Sieb abseihen.

Kartoffeln in dem Fischsud garen, den Porre hinzugeben und leicht ankochen lassen. Wenn der Porree gerade bissfest ist, die Lachsfiletstücken hinzufügen, Flamme kleindrehen und 10 Minuten ziehen lassen.

Nun ist beinahe alles erledigt, nur noch mit Pfeffer und Salz abschmecken, Dill kleingehackt (getr. Dill geht auch zur Not) hinzufügen und auf tiefen Teller servieren, dazu einen trockenen Weisswein, evtl. Baguette dazureichen.

Dieses ist nun ein Rezept für Leute, die nicht so viel Geld haben. Den Lachs bekommt man z.B. in Berlin in den Markthallen, oder sonst beim Fischhändler fragen, die sind froh, das auch noch verkaufen zu können. Bitte beachten Sie bei der Zubereitung, dass sich die im Rezept angegebenen Mengen und Garzeiten auf die Original-Menge von 4 Portionen beziehen und ggf. entsprechend angepasst werden müssen.

Lass-Karkasse, Bild Holzingerfisch.de

Bouillabaisse


Französche Fischpott orrer Bouillabaisse. Foto Cydlonebill/flickr.com

Johre güngen in't Land. Dat weer woll 1996, dat een vun Inges Frünnin uns inladen dää, mit ehr in de Camarque in en lüttes Dörp to föhren. Inges Frünnin weer un is woll noch en iefrige Frankophile. Se drinkt bloots Rootwien, den se in'n Plastikkanister ut de Commune halt, se schüttköppt, wenn ik en Elsässer Beer drink, eet Baguetes, leest französisch Bäuker, dat Översetten in Düütsch natüürlich. Un vör allen schull dat en Gala-Avend in Saintes-Maries-de-La-Mer geven. Dor schull in en Nobel-Restaurant en Bouillabaisse bestellt warden. Da wöör sik mit de besten Klamotten rutputzt.

Wi kemen veel to fräuh in de 80 km afliggen Stadt Tres Maries de la Mer an. Ierst Punkt söss makten de Restaurants up. De Frankophilsche un ik bestellten "Bouillabaisse". Un ik kreeg mit, dat in den Fischpott dat bi dat Kåken vun de Karkassen anfallende Fischfleisch, beten Filet un denn ok lütte, nich utnåhmne Fisch — backfishes — bruukt ward. Dat mit de lütten Fisch weer mien Problem:

Bouillabaisse, Bildquell hier

Inge eet keinen Fisch. Ik brukte nahsten nix to seggen, se hett mi hochkaugt de Supp eten seihn. De bidderen Kaldunen vun de backfishs mag ik nich. Mien suur Gesicht passte denn nich to to den Gala-Avend. Un Inges Frünnin hett mi dat bannig övel nahmen.

Mit groten Jieper harr ik up'n Markt hier un dor Fischverköper mit prächtige Fisch seihn. Wi dörften aver vunwegen den Fischruuch in dat Huus vun de Frünnin ehr Frünnin, de dat Huus höört, keen Fisch braden.

De Fanniker Fisk-Pott

Wedder gahn Johr in't Land. Faken verbröchten wi Weken up Fanø. Jümmer Middeweek keem Klock 10 de fiskeman na Sønderho, de sien Fisch up de Fischaukschoon in Esbjerg inköfft harr. As uns Gast weer Lydia bi uns in dat Dünenhuus Klitbakken. Se weer ehr levlang in'n Soziaaldeinst togang. Tovör aver weer de Deern vun een Buurnhoff dor in de Plicht vun de Huusfruu, bit ehr Brauder friegte.

De Fruu kann kaken, Dunnerlüttjen! Wi snakten över Fischpött un dat wi villlicht bi unsen fiskeman Karkassen vun besünnere gaude Fisch kriegen kunnen, de hei up de Fischaukschoon in Esbjerg för'n Appel un een Ei besorgen künn. Hei künn un hei bröchte uns Düwelsfisch, Seewülf un Rode Knurrhahns. Ik kennte de Fisch nich un bün in een annern Fischladen gahn un heff mit up een Plakaat, wo alle Fisch afbildt weern, de besünnern Fisch anseihn. Frank-Christian Baum hett dat Foto vun den Knurrhahn maakt:

Bildquell

Seedüwel

Seewulf

Kabeljau

Een lütten Kabeljau packte hei uns noch baven rup. Dat Foto is vun Wikipedia.
De Lüüd in de Köperslang bi'n fiskeman keken uns an, as harrn wi se nich all. So wat harrn se noch nich seihn, dat een de Geripp, den Affall, vun de kuriosen Fisch bruken kunn un köpen dää. De Roodboors dörfte nicht fehlen.

Wi marscheerten mit uns Büüt to uns Dünenhuus. Gistern harrn wi grotes Glück hat un Riesenboviste funnen. De Upnahm hett Kettelring för Wikipedia maakt.

Riesenbovist

De Karkassen wöörn afkaakt. Ik müßt dat Fleisch von de Graden aflösen. Da keem trüüch in den Fischfond. Lydia sneed den Bovist in Schieven un denn in Wörpels. Denn wöör de Köök na Gewürze afsöcht. Chili un Paprika un Knufflook is in elkeen Köök as Pepper un Salt. Thymian harrn wi in de Dünen seihn. — To'n Sluss kemen de in Bodder anbraden Bovistwörpel in de Supp. Wi harrn so uns Arbeit mit "uns" Fanniker Fischpott. Wat dor aver bi rutkamen weer, dat kannst in't ierste Restaurant an'n Platz anbeiden. Ik heff fix uppaßt, wat un woans Lydia dat maakt hett, un so kunn ik uns Fanniker Supp nakaken. Un ik heff se afwannelt: För den Bovist heff ik Steenpilz nahmen, den ok up Fanø finnen kannst. Ganz lecker ward de Fischsupp mit lütte Parlpilze.

Parlpilz. Bild Jim Champion/Wikimedia Commons

De Stralsunner Fischpott

De Saak makte mi nieschierig un ik keek in't Internet na. Dor fünn ik den Stralsunner Fischpott. De Karkassen, de dortau nahmen warden, sünd allerbest. De Stralsunner Fischer un Kækschen ut de Fischlokale weit, wat smeckt.

Seehaas. Bild Jón Már Halldórsson/Wikimedia Commons

Dat Rezept schriev ik maal up: Een bruukt för twei Personen 500 g Döschfilet un Fleesch vun de Karkassen vun Steinbieter, Seehasen, Lengfisch un Kattfisch. 100g Margarine sünd nödig, een Salaatgurk schellst af un wörpelst, veer Zibbeln hackst lütt, denn kümmt noch een Eetlöppel Tomatenmark un een Bund hacktes Dillkruut dortau, denn noch een Eetlöppel Semp, 1/4 l Fischfond, 1/4 l Schmand, Knufflook, Salt un Paprika. Disse besünnere Supp kriggst wiss in de Wulflam-Stuben an Olen Markt 5 in Stralsund. Dat aver is en so fien Etablissement, dat een glieks up de anner Stratensiet geiht. Wenn dat över di kümmt un du willst partut en Fischpott eten, denn föhr hen na Prerow. Dor kriggst en Supp mit Hekt, Boors, Schlie un Zander. Dor bruukst nich in en Gourmet-Tempel gahn.

Prerower Fischsupp

Wat mi besünners bi de Fischpött orrer Fischsuppen interessert, dat is natüürlich de Smack. Denn aver ok, dat dor ut "Affall" en Delikatess tövert ward. Nix kümmt üm.
Een Klaag to'n Sluss: In Lübeck harrn wi in dat Fischerdörp Gothmund en allerbest Fischlokal, de "Fischerklause". Wi hebbt dor maal mit Dr. Uri Toeplitz ut Tel Aviv en lukullschen Avend hat. De Lübecker sünd aver woll keen Fischkenner. Dat Lokal hett slåten. "Is insolvent!" heit dat hüüt.

Gothmund