Bild: Rudi Witzke

Dat begeev sik aver to de Tiet,
dat de Bibel en Bestseller weer,
översett in 179 Spraken
un dat Niee Testament noch sößdigmal miehr,
dat all up de Welt dat mit de Ängsten kregen
vör sülfst makte Katastrofen,
Inflatschoon, Kriege, Ideologien,
vör Regenwulken, radioaktiv
un Ruumschipp-Flotten,
de ahn en Spoor vergläuhten.
As de grote Barg Minschen
up de Söök weer, sik vermehrten, dat dat nich glöven kunnst,
achter sik de Vernichtenslager vun verleden Tieden,
vör sik de Füüråvens vun den Fortschritt
un de ganze Welt schätzt un wogen wöör,
wat dat mit dat Liekgewichte vun de Atoom stimmen dää,
dor hörte man seggen:

"Laat uns na Bethlehem gahn."

Armin Juhre, in't Plattdüütsche bröcht vun Rudi Witzke


Bild: Giorgio Castelfranco


25.12.2011


na baven