Ahn Höpen, ahn Truur
Höllt hei sien' Kopp senkt.
Mööd hockt hei an de Muur.
Mööd sitt hei dor un denkt:
Wunner warrn nich scheihn.
Allens blifft, so as dat weer.
Wokeen nix süht, de ward nich seihn.
Wat dat woll för Minschen sünd?
Woso blifft denn nüms maal stahn.
Ik bün blind, un ji sünd blind,
Juge Harten schickt keen Gröten
Ut de Seeln in't Angesicht.
Wöör ik nich hören juge Fäut,
Dacht ik, dat gifft juuch nich.
Kaamt wat neger, sett juuch nedder,
bit ji åhnt, wat Blindsien is.
Senkt den Kopp, senkt de Leder.
Bit ji, wat frömd juuch weer, kennt.
Un nu gaht! Ji hebbt dat ielig!
Daut, as weer nix scheihn.
Aver markt juuch disse Reihg:
"Wokeen nix süht, de ward nich seihn."

Stahlbetonmuur in Bethlehem © Wikimedia Commons, Fotograf: Mandavi