Bargen tosieden. Triptychon to Karfriedag 2002


Wenn Se de Biller wat grötter sehn wullt, klickt Se darop un töövt Se 'n beten. Trüch kaamt Se denn mit den "Trüch"-Knoop in SeEhr Browser-Symbolliest.
   
Nahal Ardon
   
 
Bargen tosieden.
Weeg to'n Heven?
Dor achter de Öödnis:
Güüst un doot.

Hitte Hitt an'n Daag,
koole Küll in'e Nacht!
Leven een Plaag?
Doode Doodnis?

Liesen sing'n
Winn üm de Bargen,
sing'n den Sang
vun't Wunner-

Leven!
Swatt de Steen,
maals glöhnig
hochwarvelt,

daaltpulter,
vun Water
küselt mihr as
dusend Johrn.

Dree witte Maten
ehm togesellt
sünd Tügen
vun'n toven Beginn.

Johrn kamen,
Minschen gahn,
de Veer stahn dörch
bi't an't Enn.

Lieks nevenan
fledig Gröön.
Witt, de Blöten:
Wunner: Een Lielje!

To Föten
legg ik mi
to lüürlüüt Bloom
un de swiegen Steen.

Dau orrer Traan
in dien Blööt?
Wiß Traan'
vun Freud,

Freud, dat wi
kamen tosaam,
Steens, Lielje:
Un ik, de Minsch!

Zoort straak
ik den Steen,
keen Truun,
de Blööt to faten:

Dat Wunner vun Leven!
Wöstenlillje
 
   

 

   
 

Text un Biller: Rudi Witzke
26.3.2003


na baven