Dei tweide Advent

"Gott siene Macht kummp"

So sägg uck dei Psalm 80:
"Maok praot diene Macht; kumm un erlöse us".
Hier teuwt dei Menschken up Erlösung un Hülpe.
Dortau kummp noch ein Glöwen,
dat Gott dor is un mit siene Kraft
use Läben up den passen Padd setten kann.

Dei veier Riegen för dissen Advent staoht in ein orig ollet Adventslied, dat man in disse Tied sing. So old, at et is, so best wiest et, wat van Harten kummp.

Ünnen dei Text up Platt.

Van wiet her seih ick Gott siene Macht, dei kummp. Ein Wulkendüster ligg äöwer dei heile Ern. Gaoht üm gau taumeute un säggt:
Giff us Künne, off du et büs, dei sien Volk Israel regeiern dait.

Schepers un Käönige bringt üm Gaoben mit. Dei Propheten roopet sienen Naomen. Gaoht üm gau taumeute un säggt: Giff us Künne, off du et büs, dei sien Volk Israel regeiern dait.

Süh, hei kummp un bring Freden un Fraide. Hei giff dei Welt ein neiet Läben. Gaoht üm gau taumeute un säggt: Kumm, du Heiland äöwer dei Welt, bring us dei Hülpe, up dei wi teuwt.