Dei eierste Advent

"Van wiet her seih ick Gott"

Ein Lengen un Ankünnigen liggt in disse Wör.
Wi kennt uck Laogen, dor mössen wi lern,
wo man mit ein unwisset Haopen läben mutt.
In dei Adventstied haopt wi up ein gauet Läben
mit Lecht, Warmte un aohne Gefohr.

Dei veier Riegen för dissen Advent staoht in ein orig ollet Adventslied, dat man in disse Tied sing. So old, at et is, so best wiest et, wat van Harten kummp.

Ünnen dei Text up Platt.

Van wiet her seih ick Gott siene Macht, dei kummp. Ein Wulkendüster ligg äöwer dei heile Ern. Gaoht üm gau taumeute un säggt:
Giff us Künne, off du et büs, dei sien Volk Israel regeiern dait.

Schepers un Käönige bringt üm Gaoben mit. Dei Propheten roopet sienen Naomen. Gaoht üm gau taumeute un säggt: Giff us Künne, off du et büs, dei sien Volk Israel regeiern dait.

Süh, hei kummp un bring Freden un Fraide. Hei giff dei Welt ein neiet Läben. Gaoht üm gau taumeute un säggt: Kumm, du Heiland äöwer dei Welt, bring us dei Hülpe, up dei wi teuwt.