Up mi ligg Gott sien Geist. Dei Herr dö mi salwen; hei hätt mi schickt, ick schull dei Armen dei frohe Bottschkup bringen un dei Lüe mit ein braoken Harte gesund maoken, dei fast setten Minschen frei laoten un dei Fesselten losbinnen, ein Gnaodenjohr van den Herrgott utroopen, einen Lohn-Dag för usen Gott, aale in Truuer Troost gäben, un ehr den Schmuck van Zion gäben, anstäe van Aschken Fraidenölge gägen dei Truuer, ein Ehren-Mantel gägen den dei Mautlosigkeit. Man werd sei as Eiken van dei Gerechtigkeit neumen, ein Anplanten van den Herrgott för dat herrlicke Blinken. Denn bawt sei dei urollen Schuttstäen wedder up un maokt dei Ruinen van dei Vöröllern wedder fardig.

Jesaja 61

---