![](gott_biller/advent_4.jpg)
De Traan, de dröögt
de Tiet steiht still.
Keen Ik is miehr dor
in dissen Momang.
![](gott_biller/advent_4.jpg)
De Stillnis, de is puur un rein,
doch dörch se dörch bevert
schiere Levigkeit;
to seihn is nix,
doch an de Kimm
dor bluckt een Lücht.
Tiet vör di,
den Anker intohålen:
Dat Schipp leggt af.
![](gott_biller/advent_4.jpg)
Noch höllt di wat.
Du kappst dat Reep.
Ruut geiht de Fohrt
in de wiede See.
Stillnis ward stiller,
düster ward düsterer,
denn kümmt en Nacht,
de nüms vergeet.
![](gott_biller/advent_4.jpg)
Du büst an Land,
Schaap üm di rüm,
Unrauh hett Derten un Herder faat.
Rappelig de Heven, de Ierd:
Is veerte Advent
Wöör: Rudi Witzke, Bild:
Janpeter Witzke
|