Dei tweide Advent
Aale Menschken schäöllt dat Heil seihn, dat van Gott kummp. Dit Heil is Christus sülwes, siene Person, sein Wort, sien Sakrament. Hiertau kummp dei Fraoge, off wi willt, dat wi üm draopet un dortau staoht un dornao daut. Dei Apostel Lukas (Lk 3,2-6) schriff dortau: Don güng in dei Weuste Gott sien Wort
an Johannes, den Säöhn van Zacharias. Un hei trück
in dei Gägend an den Jordan. Dor prädigte hei äöwerall
van ein Ümmedreihn un van dei Döpe, för dat Vergäben
van dei Sünden. So köm dat, wat in dat Bauk mit dei Räden
van den Prophet Jesaja staiht: Eine Stimme röpp in dei Weuste:
Maoket för den Herr den Weg praot! Schlichtet för üm
dei Straotens! Füllt jede Leegte up, jede Barg un jede Huckel
schall daol gohn. Wat scheif is, dat schall liek wern, wat ruckelig
is, dat schall ein planeierten Weg wern. Un aale Menschken seiht denn
dat Heil, dat van Gott kummp. |
Bild- un Textutwahl: Ludgerd Lüske 9.12.2018 |