Gender-Saken

vun Wolfhard Sauerbrey


Wat keem de ole Wolfgang Goethe
mit dat Gesett woll in de Mööte!
De Fruuns sünd ja — wi hebbt dat lehrt —
hüüt sowat vun emanzipeert!
To'n Bispeel Faust: As ut de Neeg

dat Gretchen he to faten kreeg:
"Mein schönes Fräulein, darf ich wagen,
meinen Arm und Geleit ihr anzutragen?"
Man de: "Weg mit de Poten, du!
Hest nienich hört wat vun #MeToo?"

Zack. Fardig. Un op düsse Tour
geev't hüüt woll keene Litratur:
Wenn jümmers mal so'n jungen Mann
sik an ne lütte Deern maak ran,
un se wöör denn ehr "MeToo" ropen,
denn weer de Saak op Schiet oplopen:
Keen Hamlet un Ophelia,
keen Romeo un Julia —

de heelen wunnerboren Dramen
weern nie passert bi sockse Damen!
Und dorüm heet dat ünnern Strich
(tominnst, wat mi bedrifft): "MeNich!"


4.2.2018


na baven