Kuddel, Schauermann ut Hamborg, stinkt dat:

Har(t)zer Kees


KuddelDe Streik in Sindelfingen un Bremen vun de Mitarbeiders bi Daimler-Chrysler hett jo al wat brocht: De Vörstands-Etage will sik teihn Perzent vun ehr Inkamen aftrecken laten.

De Vörsitter, Jürgen Schrempp, warrt op teihn, all tosamen warrt se op veertig Millionen Euro taxert. Dormit spart dat ÜnnernehmeGefalln deit dat Herrn Schrempp jo grod nichn veer Millionen in't Jahr. Aver de Mitarbeiders schölen fiefhunnert Millionen sparen. Trotz Milliarden-Lock in'n Utland dörch Övermoot – in Needüütsch Globalisierung —, hebben se noch dree Milliarden verdent in 2003. Se hebben managt ahn Risiko. Fehler, de se makt hebbt, weern vun de Gesellschaft versekert. Denn is dat Anbott vun teihn Perzent keen Signal, dat is Spott! Wenn Herr Schrempp föfftig Perzent seggt harr, harr he jümmers noch 'n Inkamen vun fief Millionen!

Bertha intressert sik jo nich för Politik. Aver hier un dor snappt se wat op un bringt dat dörchenanner. As ik ehr dat vertellt heff mit 'e Streik, hett se dacht, de Oorsaak weer dat Tosamenleggen vun Arbeitslosen- un Sozialhilfe of Januar 2005. Ik weer bannig füünsch op Bertha. „Ne! De sünd erpresst worrn! Harz...?Wenn de fiefhunnert Millionen nich spart warrt, wüllt se sössdusend Arbeitsplätze in't Utland verlagern.“

„Jo, dat meen ik doch!“ hett Bertha antert. „De Sössdusend warrt in Düütschland arbeitslos un möten een Andrag stellen op Hartz-veer.“

„Du meenst Arbeitslosengeld twee na Hartz-veer!“

Hartz 4? Heet dat: 4 Delen  Harzer...?

Nee -- Hartz! "Gestatten, mein Name ist Hartz. Peter Hartz. Geschüttelt, nicht gerührt!"„Woso Arbeitslosengeld twee un nich veer?“ hett se denn fraagt. Bertha mutt männichmal en Brett vör'n Kopp hebben! Un denn heff ik en vun Peerd vertellt: „Wenn een arbeitslos warrt, kriggt he üm un bi een Jahr Arbeitslosenunterstützung. Achterna een Jahr Arbeitslosengeld twee. He dörv sien Huus oder siene Egendomwahnung beholen un ok noch'n beten Geld. Wenn he achteran Arbeitslosengeld dree hebben will, mutt he allens verköpen un verbruken un eene lütte Wahnung meden.“

Bertha nickköppt. „Jo, un wat is Hartz-veer?“

Ha! Da kann Peter Hartz so richtig över lachen!„Arbeitslosengeld veer!“ heff ik schreet. „Denn warrt in't Winterhalfjahr in Nootünnerkamen vun de Sozialbehörde övernachtet. In't Sommerhalfjahr möten se op'n Campingplatz in't Telt kampieren!“

Bertha weer ganz witt üm de Nees worrn. „Dat is nich wohr!“

„Doch! Dat geiht noch wieder. De Regierung is an'n Nadenken över Arbeitslosengeld fief! – Ik fraag mi blots, as Root/Gröön de Wahlen in 2006 winnen wüllen?“

Wenn Peter Hartz Kanzler warrt, warrt he ok glieks den Job as Bunnesadler maken...Bertha smuustert, harr wedder 'ne frische Gesichtsfarv un antert: „Dat is doch keen Problem! Se möten blots Herrn Hartz to'n Kanzlerkandidaten maken!“

Af un an is Bertha ganz plietsch.


Martin Ripp


na baven