Fautball-Sonett

vun Hannelore Hinz


De Fautball steiht so as de Sünn an'n Häben
un dücht mi grötter as dat Irdenrund.
Fautballerbeinen dächt trainiert, ein Grund
för Millionen in Fründschaft all'ns gäben.

Ball flücht un rullt, Taukiekers sick verfieren
schütt farwig Bein ut lüttes Land dat Dur.
Wi kümmt't, dat Favoriten doch verlieren,
wer hett in Knaken woll de beste Murr...

Bringt Taufall Glück, man ihrlich sien blot tellt,
man wunnerwarkt, sünd bärer nu de Niegen
ut ein arm' Land wietaf hier up de Welt?

Un Ein, de will denn' Annern ümmer kriegen,
man, wer blifft arm, un wecker "kickt" för Geld?
Ob arm, ob riek, de Best', de kann blot siegen.


28.6.2008


na baven