So winnt een Wahlen!Afluustert!


Plattpartu is ja nich bloots en floreern Websiet, man ok en floreern Afhöördeenst. Dat hebbt Se nich wüßt, wat? Is avers so. Wi wüllt uns Besökers jümmers de niegste Informaschoon praat stelln, un dorto hebbt wi en weltwiede Telefoon-Afluusteranlaag installeert. Bi de UNO, denkt Se? Ach wat! Mit sowat geevt wi us doch nich af! De UNO hett doch nix to seggen. De köönt ruhig de britischen un amerikaanschen Geheemdeensten afhöörn — de olen Versagers. Nee, wi luustert bloots bi de würklich wichtigen Lü. Un düsse Telefoonsnackerie hebbt wi vunnacht op uns Afluuster-Maschien opfangen:

So seht Wahl-Gewinners ut!Bush (benaut): Hallo Herr Kolleeg, ik wull Se man bloots to SeEhr Wedderwahl graleern. — Süüfz!

Putin: Dank ok schöön, weer ja nix Besünneres. — Wat bedripst Se denn so?

Bush: Also ehrlich, Wahlen sünd doch eentlich Schiet, nich?

Putin: Nö.So nich

Bush: Hach ja, sachs nich, wenn een winnt. Ik heff noch nienich 'n Wahl wunnen. — Schiet-Wahlen!

Putin: Ach wat!

Bush (hysterisch): Ik kann Wahlen nich utstahn!!! — Schiet-Wahlen!!!!

Putin: Kusch! Ruhig doch, lütten Dööskopp! Een mutt even tovör dorför sorgen, dat dat keen Överraschungen mehr geven kann.Mit min Fründ Aznar in de goden olen Tieden -- vör de Schiet-Wahlen!!!

Bush (süüfzt): Nich sowat as in Spanien, meent Se. Wat de Spanier sik dor tosamenwählt hebbt — worüm kann een jüm dat nich eenfach verbeden?!

Putin: Woso denn verbeden? Ooooh -- wat min Fründ Tony woll noch lang bi mi blieven dröff? Schiet-Wahlen!!!

Bush (weent): Wahlen sünd dat Slimmste! Veel slimmer as Krieg! Alle mine Frünnen verleer ik dör Wahlen. Nu min Fründ Aznar, opneegst villicht min Fründ Tony —— Sniiiief!! Un denn ik sülven!!!

Putin: Schsch, schsch, min Lütten. Is ja good — wees doch nich bang. Wahlen sünd doch nich gefährlich — ahn Gegenkandidaten, meen ik.

Bush: Ja, ahn Gegenkandidaten, dat weer schöön. Ahn Gegenkandidaten, harr min Fründ Aznar denn villicht ok wunnen? — Avers woans warr ik to'n Bispill den Kerry los?

Putin: Oooh — Se wüllt doch nich etwa min Duuu -- ole Klookschieter, di krigg ik ok noch bi de Büx! Ik kaam di op, tööv man!Bedreevsgeheimnisse weten? Ha, min Lütten, da mutt ik ja lachen.

Bush (miteens begeistert): Ha! Ik weet! Op'n elektrischen Stohl!

Putin: Süüüfz! — Ji lehrt ok rein gor nix vun't Ole Europa!

Bush (muulsch): Se bruukt gor nich so arrogant ween. Ik krigg dat noch rut, woans ik em loswarr. — Man dat is ja nich dat Eenzige. In'n Irak, dor wüllt se ja nu miteens ok alle wählen! — Ik kann Wahlen nich utstahn!!!!

Putin: Schscht! Nu warr nich wedder mall!

O nee, o nee, woans kann een eenzigen Minschen so dösig ween?!Bush: Ha, dat seggt Se so, man dor warrt dat 70% för de Schiiten geven!

Putin: Na und?

Bush: Wat heet dat, Na und?!? Ik kann Wahlen nich utstahn!!

Putin: Ruhig, ruhig! — Torfkopp! — Överleggt Se doch mal. Dat Problem sünd doch nich de Wahlen, dat Problem is de Demokratie!

Bush: ????

Putin: Süüfz. Also. Schiiten gifft dat doch al lang in'n Irak, nich?

Bush: ????

Putin: Un Wahlen hett dat dor fröher ok geven, nich?

Bush: ??? — Aaaah...!

Putin: Uff. Endlich.

Bush: Se meent —— de "gelenkte Demokratie", vun de Se jümmers snackt?

Putin: Jo! Jüst so! Un weet Se noch, wa veel Perzent Saddam bi de letzte Wahl harr...?

Bush (entrückt): 100%!!!!!!!!!!

Putin: Jüst so. Un dat schullen Se nich henkriegen?

Bush (hysterisch begeistert): So warr ik dat maken! Jüst so! In'n Irak — un ok bi mi tohuus! Ik warr wedderwählt! Ik warr 100% kriegen! Jümmers! Juchhei!

Putin: Bravo, min Lütten! Nu hest doch wat vun't Ole Europa lehrt!



na baven