Süht ut, as maak de Mööv en Knix vör de düütsche Fahn! Is de Mööv villicht en Footballfan?Vagelkinner an't Water

Opnahmen in Travemünn vun Antje Heßler


De Biller köönt Se per Klick vergröttern!

Mit Fohrrad morgens an de Traav — dat is för en Travemündersche dat Wohre bi so en Juniweder as nu! Egentlich wull ik Rosen knipsen an en Huus in de Kurgoornstraat. Dat heff ik denn ok maakt.

Up den Nahuusweg güng mien Fohrt denn an Jachthaven lang. Mien Ogen güngen ümmer "Kleine Möwe, flieg nach Helgoland..."? Vunwegen! Düsse Möven sünd noch veeeel to lütt!!na de Aanten un Möven. Dor wöör ik mit eens en poor ganz lütte Dierten gewohr. Twee lütte Sturmmöven! Anhollen, den Knipskasten ut de Tasch un knipsen, dat weer eens. Ik harr aver nich mit de besorgten Öllern rekent. Upreegt un mit luut Schriegen kemen se up mi daal.

Dor muttst di anschriegen laten vun de Vagels! Man dat is ja vunwegen de Lütten!

Na'n Stoot hebbt de Möven sik aver an mi wennt. Ik dörv sogor bi't Fodern tokieken.

Kiekt, ji Lütten, hier is wat to eten...

...un dor kriggt wi dat her...

 

 

 

 

 

 

 

...nanu, fotografeert us dor etwa een?!

Se hett dat ünner'n BuukN'beten wieder lang gewohr ik denn noch en Mööv up en Stroompahl. De seet up ehr Nest. As ik to'n Knipsen noch dichter ran wull, floog se ok mit luut Schriegen weg. Dor kunn ik twee lüürlütte Küken seh'n. De weern jüst ut dat Ei kropen.

Dor baven sitt se in! Dat warrt rechte Waterkantler!

Vadder passt op op de dree Lütten

So, ji Lütten, dat is dat Water. Dor gaht wi rin.Tofreden wull ik nu na Huus fohrn. Aver dor stell sik denn noch en Aantenfamilie mit ehr Kinner vör!

...avers man sutje!...un tschüß!

Nu harr ik nich blots Rosen in mien Knipskassen. Dor weern ok lütte Sturmmöven un lütte Aantenkinner binnen.


15.6.2006


na baven