Neiwind* up den Mars bit Sol 1172

van Ludgerd Lüske


Se köönt de Fotos per Klick vergröttern. Trüch kaamt Se denn mit den Zurück-Knoop.

Dei ganze Neiwind-Mission op Platt: hier


Klick up tau'n Vergröttern!

Disse Korte wiest den Weg, den dat Mars-Fohrtüg Neiwind (Curiosity) in dei 1172 Marsdaoge (Sol 1172) up siene heele Mission feuherde (Eerd-Daotum: 23.11.2015).

Dei Punkt-Nummern up den Weg gäwet den Marsdag för jede Einkelfohrt an. Dat Längten-Maot up dat Bild steiht för einen Kilometer (~0.62 Meile).Van Sol 1168 bit Sol 1172 feuherde Neiwind einen orig lieken End van 50,56 Meter (süh Vergröttern).

Dat unnerleggte Bild för disse Korte knipsde dei hoch uplösen Experiment-Kamera (HiRISE) in dei Nasa-Marsforschkungs-Sonde (Mars Reconnaissance Orbiter [MRO]).
Bild: Nasa/JPL-Caltech/Univ. of Arizona; süh Originaol-Bild.


Orbitaol-Ansicht van dei Düne, dei Neiwind anstüert. Klick up tau'n Vergröttern!
Bild: Nasa/JPL-Caltech/Univ. of Arizona. Süh Originaol-Bild (up dei Nasa-Siete seuken)

Dit Bild, ut den Mars-Ümloop knipset, wiest dei Sanddüne, wo Neiwind nu up den Weg nao dei höger liggen Laogen van den Sharp-Barg (Mount Sharp) henfeuhern schall.

Disse Ansicht gaiht äöwer 380 m in't Quadraot. Dor ligg "Düne 1" in dat Bagnold Dünenfeld. Dei MRO-HiRESE-Kamera"nöhm dit Falschk-Farwen-Bild up. Dorbinnen sünd dei Spektraol-Andeile van rot, blaw-greun un infrarot tausaomeleggt.


Süh Originaol-Bild (up dei Nasa-Siete seuken)

Äöwer't Wäkenend feuherde Neiwind 51 m duuner an dei Bagnold-Dünen ran. Dei Forschkungs-Geologin L. Edgar möß dat Leit äöwernähmen. Dörplaont werd dei Marsdag 1173 (Sol 1173) mit eine Wätenschup-Aktion, eine Fohrt, eine Bilddokumentation nao dei Fohrt un eine frei ansette Forschkung nömdaogs.Besünners in't Ooge hätt man dei Dünen- un dei Felsbrocken-Dokumentation.


Süh Originaol-Bild (up dei Nasa-Siete seuken)

Väle Lüe plaont den Arntedankdag, dat amerikaonsche Thanksgiving, man dei Neiwind-Mannschkup sorget dorför, dat ehr Fohrtüg an dat Ferien-Wäkenend naug tau daun krigg. An'n Sol 1173 feuherde Neiwind 45 m nao Süden. Dat bröchde üm an eine groote Utsicht-Stä vör einen schmalen Sandbarg un dei anweihte Siete van eine groote Düne.

För dei drei taukaomen Marsdaoge (3 Sols) werd ein Plaon upstellt. Dei Geologin L. Edgar harr jüst dat Leit un möß seihn, dat sei aals in dei knappen Tied unnerbringen kunn.

An den eiersten Reisedag schall Neiwind ChemCam un MastCam up eine lüttke Sandbodden-Stä tausaomesetten un den Upbau ünnerseuken. Dornao gaiht et wieder in Südwestrichtung. Dor schall NavCam Biller knipsen tau'n Präpareiern van dei taukaomen Aktionen. Denn schall noch eine Riege Differenzbild-Experimente (mit tausaomeschaltete Kameras) affloopen. Dat is ein Verseuk tau'n Faoten van dei Sanddrifft.


Dei CheMin-Apparaot, tausaomesett

Dei tweide Reisedag is vull Aktionen tau'n Ünnerseuken van dei Ümwelt. Dat Tausaomesetten un dei Dörsicht van dei Atmosphäre will man mit ChemCam un MastCam rutfinnen. An'n Vörmdag van den darden Reisedag werd dei Atmosphäre mit NavCam ünnersöcht. Dorbi will man uck Stoffdüwels finnen. Näömdags (van Sol 1176) steiht noch ein Differenzbild-Experiment up den Plaon tau'n Faoten van dei Riffelwannerung. Mit dei MastCam will man ein Bildmosaik van dei Düne up dei Westsiete upnähmen. Dormit kann man dei Riffelmusters faoten. Dornao dait man dei ChemCam kalibreiern. Dei MastCam maoket denn noch ein Bildmosaik van den Felsengrund un eine Felsbrocken Upnaohme. Mit dei NavCam werd dei Atmosphäre ünnersöcht.

Bi dat Ünnerseuken van dei Dünen schall REMS tüschkendör dei Windgeschwinnigkeit mäten. Dat Ünnernähmen is all komplex, aower CheMin werd eine lose Provenrad-Küvette praotstellen för taukaomen Anaolysen. Wenn dei Apparaote mit all dat Wark fardig sünd, maoket Neiwind eine Pause för dei Daotenverarbeitung.


Dei Instrumente van Neiwind, Nasa-Bild

CheMin-Anaolyse-Apparaot, Bild Nasa


Dei Mars-Lüe sorgt för Integration


*Neiwind = Curiosity

Originaol-NASA-Artikel: Lauren Edgar. Lauren is eine Forschkungs- Geologin an dat USGS Astrogeology Science Center un hört tau dei MSL-Mannschkup

USGS = U.S. Geological Survey
MSL = Mars Science Laboratory
süh hier
SO-Platt: Ludgerd Lüske


3.12.2015


na baven