Dat Kruut för'n Oostermaand:
De Löwenzahn

vun Anke Nissen

Taraxacum offizinale — Familie Compositae

 

 

 

 

 

Anner Namen:

Botterbloom, Botterstecker, Puustebloom, Kohbloom, Hunnbloom, Swiensbloom, Ankenblume, Bettseicher, Butterblume, Eier-, Feld-, Gold,- Speckblume, Geel Dickkopp, Habichtkraut, Hundszunge, Hundeblume, Judenblume, Jungeblume, Kettenblume, Kettenröhrlein, Kanbenblume, Köstblume, Krotenblume, Krotenbösche, Kuhblume (Fehmarn), Kuhbuschen, Laterne, Laternenblüte, Luchten, Lusbloom, Märzenblumen, Maiblume, Milchblume, -distel, rödel, -stöck, Mischling, Mistfinke, Mönchsblume, -platte, -kopf, Pärdebloom, Pfaffenblume, -kraut, -platte, -röhrle, -röhrlein, -stiel, Ketten-, Lichter-, Pompel-, Popen-, Pud-, Pust-, Pusteblume-, Hüppelblume (Baden) Hunde-, Kuh-, Schweineblume, Luft-, Röhrlein, Ringelstock, Ringeze, Roßblume, Säustock, Saubloom, -blume, -melke, -rüssel, Scheerkraut, Schmalzblume, Schweinstöckel, Sommerdoor, Sommerdöör, Sonnenwurzel, wilde Wegluge

Sammelt warrt:
Kruut in't Fröjohr
Wörteln in'n Harvst
Warrt bruukt:

maakt dat Bloot rein in't Fröhjohr,
maakt enen goden Appetit,
helpt bi de Verdauung

So warrt't anwennt:

2 Teelöpel mit ¼ l koolt Water ansetten, hitt warrn laten, 10 Minuten trecken laten.

Junge Bläder = as Wildsalaat.

 

 

 

Wokeen kennt dat nich, dat Lachen vun en Kind, wenn't ene Puustebloom findt, wenn't denn mit alle Macht de Backen uppuust, un de lütten Fallschirms dörch de Luft danzen lett.

As ik Kind weer, hebbt wi de Puustebloom as Orakel nahmen. De Samen, de wi nich wegpuust kregen, de wiesen uns, woveel Johr wi noch to leven harrn. Dorüm weer't goot, blots sachen to puusten!

Wullen wi weten, wo slecht en Minsch weer, denn puusHimmel oder Höll?ten wi de Puustebloom in den sien' Richt. So veel Samen an em hangen bleven, so veel Slechtigkeiten harr he.

Harrn wi all Samen afpuust; denn kunnen wi sehen, wat wi later mal in'n Himmel kemen orrer in de Höll.
Süht de Blödenbodden swatt ut, denn kümmt de, de puust hett, in de Höll, man is de Blödenbodden witt, denn kümmt he in'n Himmel.

Wi hebbt de hohlen Stengel to Keden, Kränze un Ringe tohoop steken (Kedenbloom).

Wi hebbt uns fröher den witten Löwenzahnsaft up unse Warzen smeert; wi dachen, denn wörrn se verswinnen.

Wieldat de Plant to glieke Tiet Knospen, Blöden un Samen hett, symboliseert se de "Dree-Einigkeit".
Dorüm köönt wi oft Löwenzahn up Altäre ut't Middelöller finnen. So ok in't St.Annen-Museum in Lübeck.
De Naam "Lööv" symboliseert Kraft. De Saft in de Stengels vun'n Löwenzahn is witt, un Witt bedüüdt jümmers: Rein, ahn Placken, so as Maria.

De Legende vertellt uns dit:

As Maria to Besöök keem bi Elisabeth un ehr vertellen dee, dat se en Kind kriegen warrt, dor is en Drüppen Bloot vun ehr up enen Löwenzahn fullen. Siet de Tiet hebbt all Löwenzahnplanten neven all ehre grönen Bläder jichtens ok en Blatt, dat root as Bloot is.
De Drüppen Bloot — so seggt de Volksgloven — is Menstruationsbloot vun Maria west, as Bewies, dat se "unberührt" weer. — Dit is de middelöllerliche Legende.



na baven