Dat Kruut för'n Märzmaand: vun Anke Nissen Harpagophytum Procumbens Familie Pedaliaceae (Pedaliengewächse) |
|
|
Anner Namen: |
Südafrikanische Teufelskrallenwurzel, Teufelskralle | |
Sammelt warrt:
|
Wörtel (Wurzelknollen) = Radix Harpagophyti | |
Warrt bruukt: |
De Lüüd in Südafrika bruukt de Wörtel bi Wehdaag
vun Galle, Leber, Nieren un Blaas. |
|
So warrt't anwennt: |
1 bet 1 ½
Teelöpel dröögt Wörteln mit ¼ l kaken Water
övergeten un 5 bet 8 Stünnen uttrecken laten. An enen Dag
2 bet 3 Tassen drinken. Dissen Tee över vele Weken drinken, dat helpt gegen de Pien in de Gelenke. |
|
|
||
Mien Fründin Dorly vertell mi, dat se groot Pien in ehr Knee
hett un dat ehr Doktor ehr dorgegen "Teufelskrallen" upschreven
hett. Ik heff söcht un funnen: As nu en Fru hier dull över Pien in ehr Knee jammer, heff ik ehr vun de Düvelskrall vertellt. Se is glieks in de Afteek lopen un hett sik Düvelskrallen-Tee haalt. En poor Daag later reep se bi mi an: "Dat Tüügs is nich to drinken", hett se seggt,
"de Tee smeckt sowat vun ekelig un bitter, nich dal to kriegen!"
Wenn een Tee vun de Düvelskrallen-Wörteln kaken will, denn sull een de Wörteln in enen Mörser to en groff Pulver stöten. Wenn dor denn Tee vun upgaten warrt so as baben schreven steiht sall de ok helpen gegen Rheuma. De Tee mütt över lang Tiet drunken warrn. (Wat nich eklig is, hölpt nich! ) Marken kann een vun sien Wirken eerst na dree Weken. |
||
Phyteuma Hier
bi uns kennt wi den Namen Düvelskrall ok, man hier bi
uns is "Teufelskralle" de Naam för mehrere Oorten vun
de Phyteuma. Anner Namen: Echte Rapunzel, Milchglöcklein, Mausöhrle, Eß-Sauwurzel. De Rapunzel-Glockenbloom blöht vun Juni bet August. Se wörr fröher geern as Salat eten. Hier seht Se poor Biller vun heimische "Düvelskralln": linkerhand de Kugel-Rapunzel (Phyteuma orbiculare), baven de ganze Blüüt dorvun, rechterhand de witte Düvelskrall, nerrn de blaag blöhn Düvelskrall.
Phyteuma höört to de Glockenblomengewächse (Campanulaceae). Dat gifft rund 30 Oorten. De blöht blaag, witt, geel orrer purpurfarven. Wi findt de bi uns veel as Goornplant. Bekannte Oorten sünd:
All disse Planten speelt as Heilplanten keen Rull! |
||
De blaag blöhen Düvelskrall hett Bläder, de as Krallen
bagen sünd. De Düvelskrall warrt ok "Marienblatt" nöömt, wiel man glöövt hett, dat de düüstern Placken up de Bläder (bi de Phyteuma spicatum) vun dat Menstruationsbloot vun de hillige Maria stammen doot. Dat Bild rechterhand wiest de Heilplant, as se in Süüdafrika vörkümmt: De rosa bet lachsfarven Blöden, de steernförmig "Düvelskrall" un dor blangen dat, 'neem dat up ankümmt: de knollnaardigen Wörteln, de dröögt, lüttmaakt un denn as Arznei bruukt warrt. |
||
|