Sössteihn Vögels
De Vögelbeobachtung van Januar – März 2016

van Thomas Seemann


Se köönt de Fotos per Klick vergröttern. Trüch kaamt Se denn mit den Zurück-Knoop op de Browser-Symboolliest.

Eegentlik fung dat all an mit de Wettstriet „Wintervögels 2016“, utroepen van de Internetsiet www.befis-naturgarten.de. Daar hebb ik sülvst noch nich west, aver irgendwie kreeg ik dat mit, wat daar geböhrt.

Ik bün aver maal in't Ökowark Emden west. Dat ist dat ehemaalige Klärwark in Stadtdeel Borsum. Ik löv, dat ik in ungefähr weet, wat daar los is. Man kann up de Webstee aver alles insehn — is heel good maakt, dat Ganze.


De Schwanzmeise kiekt skeptisch

Ja, so fung dat an. Ik hebb jede Daag mien Kamera mitnohmen. Hebb ok Biller daar henstüert. Wunnen hebb ik niet. Dat maakt aver gaar nichts, mi hett dat Spaß maakt — un so sall dat ja ok.

Över 16 verscheeden Vögels hebb ik fastholen kunnt. Ik hebb daarover seten un en List maakt.
De Vögels weern naamentlik:

  1. Dompfaff
  2. Buntspecht (de hung an't Meisenknödel)
  3. Rotkehlchen
  4. Dohlen (de sünd wat driest!)
  5. Bergfink (kummt in uns Kuntrei sünst eentlik nich vör)
  6. Girlitz (haar ik bitlang ok noch nich hört)
  7. Ringelduuv
  8. Bergfink (Männken)
  9. Honnig-Imm (qwemen later, Anfang März)
  10. Fischreiher
  11. Kohlmeis
  12. Zaunkönig
  13. een Pärchen Buntspechte (mach wohl bald Junge geven!)
  14. een Bussard, attackiert van en Raav (Möwen dohn dat ok!)
  15. Schwanzmeise – de sünd putzig!
  16. Blaumeis
  17. Bergfink-Wiefken
  18. Grünfinken

 


Naja, de Honnig-Imm is villicht doch keen Vagel

 

Ja kiek, ungefäähr 16! De Honnig-Imm mutt ik mi ja aftrecken, de fleegt zwar, is aver keen Vogel.

Överto sehg ik noch Eksters, Heekeksters, Lüntjes, den Stieglitz (den Vogel van't Johr 2016), een Sperber, natüürlich Möwen, Goesen (Kanada- & Nonnengoese flögen över uns weg), Bookfinken, Amsels, Drossels ….. ik löv, dat weern all! — Leider hebb ik disse nich all fastholen kunnt, oder de Biller sünd undüdelik.

Daarvan hebb ik en Collage maakt. Wi willnt even kieken, wi överlegen dat över de Beamer to wiesen mit de jeweilige Stimmen dartoo.

Dat kann ja ein Gezwitscher warrn!


 

 

 

 

 

 

 


Hartli Dank an Herrn Rieken van Befis Naturgarten!

3.4.2016


na baven