Himmelfahrt Wesermarsch

Festival vun'n 5. bet 8.Mai 2005

Nich bloots de Schaap, sünnern mehr as en Dutz ünnerscheedliche Veranstaltungen köönt se vun'n 5. bet 8. Mai överall in't Wesermarschland andrepen — un dat sünd allens Saken mit'n lütten Zisslaweng orr ok ganz afsünnerliche Ideen. "Ein Landstrich hebt ab" seggt de Makers denn ok dorto. So höört sik dat an Himmelfohrt.

Wat dat allens gifft, köönt Se op de Websiet vun't Festival nalesen. Twee Veranstaltungen finnt op Plattdüütsch statt:

  • "Platt un Mobil" an'n 7.Mai in Lemwarder un 8.Mai in Jaderbarg: Plattdüütsch Drama, plattdüütsch Poesie — in en Auto-Kreisel! (mehr dorto steiht hier)
  • "Gärten und Geschichten" (d.h. Goorns un Vertelln) an'n 5.Mai in Butjadingen un an'n 7.Mai in Seefeld: Goorns för Lief un Seel, d.h. Geschichten, Koffi, Kaken un Musik (mehr dorto steiht hier)

Man ok anner Saken klingt na wat, t.B. "Schafe & Unterwassermarionetten" — oha! Bi mennig Veranstaltungen is de Intritt frie, bi anner köst dat wat. Wi wüllt nu op good Weder höpen, wieldat dat grotendeels in't Friee stattfindt. Un wi wüllt mal vörbikieken. Bet denn, ji Schaap! Wi seht us! Mäh!



trüch


na baven


na't Flack

na de Startsiet