 |
|
|
|
| Künst sünd Künst. Plattdüütsche
Künst gifft dat. Gedichten to'n Bispill, aver de finnt Se up www.numanto.de. Un Vertellsel un Döntjes hebbt annerweegs ehr Steden. Wenn uns Mudderspraak een levig Spraak is, dennso mütt een ok to Biller, Fotos, de een gefallt, wat mit plattdüütsch Wöör seggen könen, dat, wat in'n Kopp kümmt, wat up de Tung liggt. De een schrifft een Gedicht, de anner denn in Prosa. Un de anner Eck kann sien, dat een een schöön Konzert hört hett. Dorvun schull vertellt warden un de Lesers henwiesen warden, wo un wennehr dat stattfinnt. Up Utstellungen kunn opmerksaam maakt warden. Böker un CDs kunnen vörstellt warden — hoochdüütsche un plattdüütsche. Wi plattdüütschen Lüüd an de E-Mail-Kassens un ok de ahn so'n Appraten willn nawiesen, dat allens dat mööglich un villicht nöödig is. Un wi hebbt uns Spaaß doran. Snacken in Plattdüütsch över Künst! |
 |
|
P.S. Ach ja, dat Copyright. Klaar: Allens, wat Se hier finnt, dröfft Se för'n Privaatgebruuk rünnerladen un sik an freun. Man wenn Se dat kommerziell insetten orrer wiedergeven wüllt, mööt Se us fragen. |
|
