Vun Lent na Sommer

Biller vun Elke T. Weißleder, Wöör vun Marlou Lessing


Mai


"Raps"

de eerdgrund kiekt uns an mit grotes lüchten.
wi seht dat nich. wi gaht den langen weg
un sammelt steen un affall in gedichten,
slaat straten dör dat levige in richten,
de wi nich kennt. de wulken fleegt uns weg.

 


 

Juni


"St. Peter Ording"

du kümmst nich wieder. wieder kümmt de see.
sla di ehrn blagen aten in't gesicht
un acht dat rusen un de pütten nicht —
düt is ehr land, doch dien erhöhte stee,

de seker kassen dor, op stelten buut,
he warrt dien arche, wenn de tied sik wendt
un wenn de flut ehr Egen överrennt.
eerst wenn de see dat düllt, kannst du dor rut.

dien arch liggt fast. di un dien wark to wohren,
hest du ehr buut. se röögt sik kenen spier.
se wohrt di dood. du weetst dat al siet johren.

dat solt stiggt op un driggt di, miehr un miehr.
maak ehr den anker los un laat ehr fohren!
du un de see: ji beid sünd nich vun hier.


Översicht över de Klennerbläder

7.5.2015

trüch


na baven


na't Flack

na de Startsiet