Winter

Biller vun Elke T. Weißleder, Wöör vun Marlou Lessing


Januar

he dröömt em bloots, den snee.
he föhlt em op sien bork:
so week un köhlig, licht faat he
em in de telgenfork,
in binnerst... leggt de snee sien wang
as an den boom sien hart,
un mehr fallt dal as tranensang,
as freudentraan so zaart...
he dröömt em bloots, den snee.
nackt steiht un gries de boom
— un wendt sik trutzig af vun allns
un ganz in sienen droom...

 


 

Februar

 

de halligstork, de halligstork
hett jede tied man bloots een sorg:
'neem is de neegste borstenworm?
orr: kümmt schöönweder orrer storm?
orr: smeckt de mussel dor woll good?
orr: langt de mussel för mien brood?

sien been sünd kott, lang is sien beek,
he leevt sien leven, kiekt nich wied
un hett man bloots een sorg to tied.
he sammelt sorgen nich un bangt
nich unnütt. bloots een sorg. dat langt.
so is he jümmers good toweeg.


Översicht över de Klennerbläder

5.1.2015

trüch


na baven


na't Flack

na de Startsiet