Mai-Gröten mit Tedje Storm

Bild: Caroline von der Embde (Kassel 1812-Hamburg 1867): Twee Deerns an't Finster ünner en blöhn Aavtboomtelg. Öl/Leinwand

 

In den Goorn bün ik instegen —
Och, mien Lengen schrinnt in mi.
Wat de Fladdermüüs bloots flegen!
Sutje geiht de Nacht vörbi.

Kümmt dor nich mit söten Grienen
de Aurora? Wat se lacht!
Doch ik speel, dat will ik menen,
op mien' Fiedel ok bi Nacht.

Kiek, dien Kamerfinster funkeln
al in eersten Morr'nstrahl.
Nacht is nu vörbi! In dunkeln
Busch sleit noch de Nachtegall.

Wak doch op! De Morrnwinde
klappern al an diene Döör,
un ik sitt ünner de Linde
un mien Hart is mi so swöör.

Hier in Goorns Schaddendüstern
kumm to mi, mien leves Kind!
Bloots in Loov en lieses Wispern —
Nix verraden deit de Wind.

 

Theodor Storm,
Die neuen Fiedellieder, Gedicht 4
Plattdüütsch von Gertrud Everding



trüch


na baven


na't Flack

na de Startsiet