Sommermorgen

Dei Himmel wiest sien eierstet Rot,
ein Teiern noch un langsaom denn —
Väögels nu ehr Piepen klingen laot'
et lutt sachte nao dei Heimat hen.
Daudrüppen blinket duusendfack
so as ein Köppel lüchten Sterne
moje in dat greune Plantendack
in armlange Ferne.
Dei Näwel stigg in breie Baohnen
ut deipe Löcker lecht nao baoben, —
den Nachtgeist siene Truppenfaohnen,
werd pielup in den Himmel haoben.
Sei trecket in dei leßte Schlacht,
an'n End is ehr dei Maut vergaohn,
sei wieket för dei Sünnenkraft,
dei lett ehr denn in Freeden gaohn.

Ewald Eden, Südollnborger Platt: Ludgerd Lüske


Foto: Ludgerd Lüske. Klick op to'n Vergröttern!

2.8.2015

trüch


na baven


na't Flack

na de Startsiet