Op den Scheitelpunkt
Bildmeditaschonen to'n Hoochsommer

Biller vun Horst Rehmann mit Verse vun Marlou Lessing



Fru an'e Grote See

dat natt, dat di de fööt ümspöölt,
dat di so strakelt, eit un köhlt,
dat is de floot,
de droht!
de lütte hund, de an di speelt,
as deerten doot, de ahnt un föhlt,
du büst in noot!
man du seggst bloots: "fido, is good!"
un allens is so sacht, so blaag,
so linde gaht de warmen daag...
— is floot!


 


Klimawannel

och kaam, uns harten-klockenslag,
och kaam, uns eerste, letzte dag,
du grönes blatt, wi lengt na di,
du hööcht vun tied, du kolibri,
mit de sekunnen, de verflücht,
blievt letzt wi sünner di torüch...
un liekers hett uns hart de stunnen,
de wi na di uns lengen, wunnen.


 

is stengel hier, ist bottervagel, bloom —
woneem is denn dat feengesicht?
— du sühst dat nich?
denn büst du nich
wied noog in'n droom...


Biller vun Horst Rehmann kannst köpen. Mail:
Na de Översicht över de Kalennerbläder
17.6.2012

trüch


na baven


na't Flack

na de Startsiet