Notizen ut'n Harvstmaand


 

bläder

bläder — vun de telgen gaht se
sachtens af un ahn besweer;
sutje seilt na nerrn hen graad se
mit en schüddköppen gebeer;
man ok in den wind geraat se,
un de geiht mit ehr tokehr —
mit de bö weiht na de straat se,
un dor maakt se kamikaze,
fallt över mien auto her...

ahn en klaag ehr leven laat se
un de luutlos lichte stroom
strakelt lies mi överher;
sachte baden, leggt de saat se
in de tied, in dunkle eer
för en niegen levensboom.


mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet