Notizen ut'n Nevelmaand


o körbsen, o körbsen,
nu mööt ji alle störbsen!
ji maakt den groten hümpel bunt,
denn rott' ji sachen in den grund.

ji maakt den hümpel en gesicht,
denn so en fratze kriegt ji nich,
al gor nich een mit so'n latücht.
nu meckert nich un hollt sik wacker
un maakt sik op un vun den acker!


de tied, de löppt op slingerkurs.
bloots stroom, as sik dat höört,
de löppt graadut. höllt jümmers kurs.
dat is uns avers allns eendoon,
solang de tied opletzt in so'n
schöön nevel-tokumst föhrt.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet