Notizen ut'n Maimaand

twee posten staht in ruum un tied
de een steiht neeg, de anner wied
de een hett ledder, been un dack
de anner is alleen un wrack

dat nett, dat twischen ehr sik spannt,
blifft, bit du rinpeddst, unbekannt.

witzbolde achter kimm un knüll
speelt "kiekebusch" mit mi —
dat leve ole kinnerspill;
se winkt mi to, un süh,
bald sünd wi all dorbi:
kiekebusch, ik seih di,
wenn du mi sühst, dat freit mi...
versteken achter duft un geel
un oles kinnerweel.

nine-eleven

vun dat mallöör
na baven her
wiest geisterhaft en rest —
as knaken witt
vertellt't vun hitt,
vun pien: so is dat west.