Notizen ut'n Maimaand


wenn't engelsfeddern, witte rosen sniet,
denn warrt he wohr, de ole töversprook:
de leevste kümmt torüch, dat gode siegt,
de bann warrt braken un de keden ok,

de böse flücht. de hartenswunsch warrt wohr.
wat good is, is ok schöön. — de dag, de kümmt.
de engelsfeddern fallt al sacht, süh dor!
— bald warrt wi weten, wat dat märken stimmt.

 


regenbagenfloog
mang all mien padden in de stadt,
lichtstrich
an kloren heven —
erinner mi
an't erinnern
an dat, wat över uns is
an den wieden heven över de stadt
an de unendlichkeit, de wi nich kennt
un an den regenbagen,
de in elk lichtstrahl wahnt.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet