Notizen ut'n Heumaand


 

hier leep
wat scheep
güng wat
verdweer —
wüss ik noch,
wat dat weer!

is allns
in knütt,
güng allns
verschütt —
is meist afwrackt —

 

 

 

ik weet noch, ehr
weer allns intakt!
de biesternis, 'neem kümmt se her?

— weet nüms mehr,
wat dat weer.


 

lütt de hüsing,
wied dat flack,
blaag de heven,
rood dat dack,
geel de weten,
gröön de boom —
wahnt in't hüsing
hexendroom?


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet