Notizen ut'n Sneemaand


 

de tähnlose grientje

tähnlos grient de pahl mi an.
lang al fullen's ut.
wenn ik mal nix mehr bieten kann,
maak ik ut de lücken dann
so'n vergnöögte snuut?


mackie messer

ganz anners is de gröne grund.
nüms süht süss sin gebiss.
hüüt bleckt he dat, teihndusend tähn
kannst nu mitmaal di drauhen sehn.
ok sachtste wisch kann bieten un
verdeent respekt, dat's wiss.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet