Notizen ut'n Hornung


dat licht nimmt af, de welt nimmt to,
un bloots en afbild blifft —
en lichtes spegeln jichenswo,
en warme wulkenschrifft ——

in't gahn vertellt dat licht: ik kaam!
un wenn de welt verflüggt,
blifft doch en wulk, en wedderschien
vun wieden — blifft dat licht.

dat lichte ist en punkt in di,
en spegeln is't vun wied,
vun güntsieds grööt de steernen di.
so licht is düsse tied.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing

1.9.2019

 


trüch


na baven


na't Flack

na de Startsiet