Notizen ut'n Hornung


de nummern

dat leven hett ehr nienich tellt, de dood gifft ehr en nummer.
se liggt, vermeten, nackt un fällt, in freedlos-wachen slummer,
verstaht nich mehr de niege welt, in de de dood ehr ritt.
— mal kümmt en grote LKW un nimmt us alle mit.


Kinnerriemel mit warme Klöören

Warm Rood, warm Blaag, warm Gröön,
wat steihst du so alleen?
Warm Gröön, warm Rood, warm Blaag,
du achtern Schaddenslag,
warm Blaag, warm Gröön, warm Rood —
kaam ran! Ik bün di good.



Foto: Anke Nissen

christroos in'n hornung, pastell, porzellan:
spröde, terbrekern un röög-mi-nich-an!
christroos in't fröhjohr, din tied is vörbi,
afbild, legende, porzlaanmalerie...


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet