Notizen ut'n Hornung






opspöört in düüster
moorwater
stell
den heven:
wat he sik gavelt, wat he
flücht:
stell em.
de heven is hier
an'e eer.


 

kümmt dat schipp
noch
nu bald
orr is't al weg?
töben
an'n stroom
'neem nix wiss is
bloots de stroom

en schipp, woor seggt
schall kamen...
so lang
smiet wi
de angel ut
fangt
wat lütts —
en fisch, lebennig,
to'n anfaten

bet dat grote schipp
us halen kümmt


 

wunnerliche wahl

wähl
na din hart!
duuk
din finger in dint,
in moos, in sand.
drück em
in'n grund, giff em na —

de tide löppt af. dreep din wahl!


 

 

un achter den diek, dorachter, dorachter
de welt, de welt, de welt!
dor stiggt se op, un wi
hier
ehr to,
ehr to,
ehr to.

 

allens fangt an.


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet