Notizen ut'n Christmaand


ünner de huut
vun uns eer
köönt wi aten
huut
vun luft
de uns sacht ümfaat
un noch över uns unklookheit
wunner maalt


swaans
graast
ünner den maan
siedensaat
kiemt
ünner den maan
winterroos
waakt
ünner den maan

alleen
endt
ünner den maan
sülver
wasst
ünner den maan
deerten
luustert
ünner den maan


Fotos un Texte: Marlou Lessing
mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet