Notizen ut'n Aarnmaand


So sacht, so sacht
dat Liekgewicht
vun Steern un lütt Planet

dat Band vun Leevd
so unsichtbor
schient op bloots in Pastell

So tru, so fast
dat Verspreken:
Ik kaam wedder! Ik nohr ju! —— Worüm

treckt mi dat elkeen Maal
de Seel ut mien Lief, as weer't

en Afscheed
för jümmers?


mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet