Notizen ut'n Aarnmaand


keen vagelschreck, en blomenmann
priest stumm sin sünnenblomen an:
dat stück för 50 cent!
in sommernacht, in regenfall,
de lütten vagels kennt em al,
de kopp, de sackt em nich hendaal,
un wenn de sünn ok brennt.

he is so lang an wennt.

 


jümmers sutje, lütt vereen!
kaamt mi na, man sachen!
hebbt's vun noog, bargop to klein?
blievt en stoot denn backen
un bekiekt vun binn de welt.
ja, se is verdreiht
as juun hüüs. wokeen sik höllt,
is't, de wiedergeiht.


mehr dorvun: hier

Mit de Anschaffung vun en lütte Digitaalkamera heff ik anfungen, in'n Alldag un bi't Rümströmern in min holsteensche Heimaat eenfache Biller to knipsen vun Ansichten, de mi opfullen, un mit lütte Versen dorbi to seggen, wat mi anspreken dä. In elk Maand kemen poor tosamen. Op Plattpartu bringt wi ehr mit en halv Johr Tiedünnerscheed rut. Dat is Afsicht: Wat nu is, hebbt wi vör Oogen; man Biller un Versen schallt erinnern an dat, wat us nu feern is, un an de Annershaftigkeit vun'e Natuur in'n Johrsverloop.
Marlou Lessing


trüch


na baven


na't Flack

na de Startsiet