"Schipp Maria in'n Storm", Maler: Ivan K. Aivazovski

Flink up! De luftigen Sägels spannt!
Wi fleigen as de Vagels vun Strand to Strand.
Wi danzt up Wellen üm Klipp un Riff.
Wi hebbt dat Schipp na den Piep in'n Griff.
Wi köönt, wat nüms kann:
Wi hebbt en Klabautermann.

De Klabautermann is en dücht'ge Geist,
de all up dat Schipp sik röhren heit,
de överall, överall mit uns reist,
mit den Kaptein flink drinkt un spiest:
Bi'n Stüürmann sitt he un waakt de Nacht
un in bövelsten Mast, wenn dat Wedder kracht.

Is't Weder kloor un de Fohrt haugt hen,
denn nümmt hei de Fidel un danzt un springt,
un alles mutt up Deck sik swingen,
selge Leder åhn Tahl to singen,
nich Storm, nich Worm, nix grippt uns an:
Wi hebbt en Klabautermann.

Hei, kladdert hei hooch, geiht de See ok hooch,
Klabautermann lett keen Takelwark los,
hei löppt up de Rahen, wenn allens ritt,
hei deit, wat de Käpten ehm hitt, —
un weit ji, woans een em raupen kann?
Kuraasch heit de Klabautermann.

August Kopisch (1799 – 1853),
in't Plattdüütsche bröcht vun Rudi Witzke.
Den Oginaaltext köönt Se hier lesen