Dei Elfen-Tuut

Wi kennt all dat Tinkerland van Hans Ballach. Dor is dei Winter uck bold vörbie. Dei Natur maokt sick sachte praot för dei neie Maitied. Mangers will dat nich forts klappen. Aower et giff Hülpe ut dei Urtied mit wisse Elfenkraft.


Dat Ies dait sachte up in'n Daok,
Poggenmännkes sünd all waok.
Dei Wiewkes, noch in'n Droom,
leiwt den Schadden van den Boom.
Quakblaosen driewt den Klang
för dei Hochtied as Gesang.

Nüms hört schiens up dat Konzert —
wat is bi dei Poggen nu verkehrt?
Dor helpet sachts ein Elfentuut,
dei tönt fosser as dat Poggenluut.
Häff Dank, o Elf, nu dait sick wat —
Läben schwemmt dör't blanke Schlatt.


Figur: Hans Ballach, Bild un Text: Ludgerd Lüske
10.3.2021

trüch


na baven


na't Flack

na de Startsiet