De Maihers

Riemel vun Heinrich Eggersglüß


Heinrich Eggersglüß is en hüüt meist vergeten "Heimat-Dichter". 1875 boren as Buernkind in de Neegde vun Fallingbostel, woor he eerst Knecht un later Iesenbahner. Doodbleven is he 1932 in Brunswik.


Vincent van Gogh, In't Heu

De Maihers

Halloh! So ropt de Bur,
To, Kerls, nu upgestahn!
To, dat ick nich lang‘ lur,
De Klock het veere slahn!

Nu kamt man rin; us Mudder
Bringt Pannkok’n us und Grütt;
Se kennt doch längst us Fudder
Se wet, wo 't got na snitt.

So’n Fröhkost ist us beter
As all de Kaffeeplör,
Den lat wie för de Städter,
De sünd nu mal daför! –

Schick us de Der’ns denn, Mudder!
Gif mir denn Holster her,
Und gif dat rechte Fudder
Naher ok denn us Peer!

De Sehßen up denn Nacken
Geiht nu de Bur vöran,
Danmorgen wüllt wi 't packen;
Wi staht all usen Mann!

Un up de Wisch ankamen,
Legt he denn Holster dahl;
So’n Lüttjen war erst nahmen
Un denn strieckt se da Stahl;

Un folgt denn stramm den Buren,
War regt sick Swad an Swad,
Da let ken up sick luren,
Dat ist de reine Stat!

————————

De Nebel ist verflagen,
De Sünne brennt so heit!
Nu liegt se achtern Hagen; —
Wi dat so wohl doch deit!

Un up dat weike Polster
Da het dat seelenfroh:
„Nu makst mal up den Holster!
To, Kerls, un nu langt to!“


12.6.2021

trüch


na baven


na't Flack

na de Startsiet