Bawhus-LogoDat Bawhuus, Deel 11:
Up Beseuk bi't Bawhuus in Dessau

Van Ludgerd Lüske


Dissen Harvst, wi möken Urlaub in Wörlitz, was ik in Dessau. Natürlik stünd dat Bawhuus un alls, wat dormit tausaome hüng, in dei Midde. Neischierig as nich wat, güng et van ein Huus nao't annere, knipset wörd, wor et blots güng, uk as us eine junge Studentin dat Bawhuus van binnen wiesde un verkloarde.

Dat Bawhuus van buten

Dat Bawhuus wörd plaont un bawet van Walter Gropius. 1925 kregen dei Bawhuus-Lüe dei b'sünnere Gelägenheit, sik sülvs ein neiet Huus tau bawen, wor sei denn best warken kunnden. An' 4. Dezember 1926 was dat Inweihen un dei klassischke Moderne nöm Anloop. Walter Gropius kregg den Updrag van dei Stadt Dessau un plaonde den Komplex tausaome mit Carl Fieger un Ernst Neufert u.a. in sien eigen Architektuurbüro dat Bawhuus harr eiers af 1927 ein Archtiktuur-Afdeil. Bi dat Binnenutstaffeiern wörden uk dei Bawhuus-Warkstäen mit rinnaohmen. Dei Stadt Dessau geev nich blots dat Geld för den Neibau van dit Schaulhuus up ein freiet Grundstück dune bi'n Baohnhoff, sünnern uk för dei Meesterhüüser, wor dei Stadt wiederhen Eigner äöver bleev.

Dei Konstruktschion is b'sünners: An ein drägen Binnengerüst wörd eine GlasfaBawhuus in de Harvstsünnssaode vörhangen. So kreeg dei Warkstäetrakt sien eigen Utseihn un wiesede uk nao buten hen siene konstruktiven Elemente. Gropius nöhm dei optischke Wirkung van dei Ecken van disse kubischke Gestalt trügge dör dei äöver dei Kanten ümmegriepen Glaswand. So geev dat den Indruck van Lichtigkeit. Updeilt nao dei Funktschionen sette Gropius heel jüst bi't Bawhuus dei Huusdeile dör ehr eigen Utseihn gägeneinanner af. Dorbi stellde hei dei einkeln Trakte asymmetrischk tau dei Bawhuusstraoten un uk tau dei Gropiusallee. We'm dei heele Gestalt van dissen Komplex faoten will, denn mutt'm all üm dat heele Wark ümmetaugaohn. Eine zentraole Ansicht giff et nich.

Drei Hauptelemente hett dei Komplex, dei in Glas faote Warkstäetrakt mit drei Etaogen, dei gliekerhoge Trakt för dei Gewarf-Berufsschaule mit dei schlichten Fensterbänder un dat fief Etaogen hoge Atelierhuus mit dei upfallen utkraogen Plaon van't BawhuusBalkons. Eine Brüggen mit twei Etaogen, wor uk dei Verwaltung un bit 1928 dat Architektuurbüro van Gropius ünnerbröcht wörn, verbind dat Warkstäehuus mit dei Berufsschaule. Ein Tüschkenbau mit Aula, Bühne un Mensa, dei so neumde Festplaoten, giff den Äövergang van dat Warkstäehuus nao dat Atelierhuus, wor eierste 28 Waohnateliers van 20 qm för Studenten un Jungmeesters inneleegen. Dei Fassaode van't Studentenhuus krigg sien besünnert Utseihn in' Oosten van dei Einkelbalkons un in' Süden dör langtrocken üm dei Huusecke loopen Balkons. Dei heele Komplex ist verputzt mit meest helle Farve un settet so einen mojen Kontrast tau dei schwatten Glasraohmens.

För dei Binnensiet mök Hinnerk Scheper, ein Jungmeester ut dei Wandmaolereiwarkstäe, einen g'nauen Farvplaon. Dei schull dör ein unnerscheidliket Farvesetten bi dei drägen un verkleeden Elemente dei Konstruktschion van den Bau düütlik maoken.

De Brügge

Unner den Druck van dei Natschionaolsoziaolisten wörd dat Bawhuus as Hochschaule för Gestaltung schlaoten. Dei Schaoden van't Bombardeiern kort vör't Kriegsende wörd halfwegs behaoben. 1974 stellde man den Bawhuuskomplex unner Denkmaolschutz un 1976 dö man den tau'n eiersten Maol restaureiern. 2006 wörd ein dörgriepen Saneiern fardig, denn dat Bawhuus hört nu tau dat Weltkulturarvdeil. Vandaoge is hier wedder ein lebennig Wark mit experimentellet Gestalten, Forschken un Lehre an' Gang unner dat Leit van dei Stiftung Bawhuus Dessau. Disse Stiftung befaotet sik mit dat Bawhuus-Wäten, fläget dat, forschket doräöver un deit dat uk vermiddeln.

Panoraomafoto, neern dei Brüggen upnaohmen
Panoraomafoto, neern dei Brüggen upnaohmen

AtelierhuusStudentenwaohnhuus
Studentenwaohnhuus

Atelierhuus



24.3.2008

trüch


na baven


na't Flack

na de Startsiet