Bawhus-LogoDat Bawhuus, Deel 2:
Walter Gropius

Van Ludgerd Lüske


Disse Biller sünd nich originaol, sünnern ein digitaolet Anlähnen van Ludgerd Lüske. Sei käönt dei mit'n Anklick vergröttern. Trügge geiht dat denn mit den Zurück-Knoop (Trügg-Knoop) in den Browser (Bruuser).

Bildmontaoge van Walter GropiusWalter Gropius wörd 1883 in Berlin born. Van 1903 bit 1907 studeierde hei Architektuur in München un Berlin. Hei was van 1908 bit 1910 anstellt in dat Büro van Peter Behrens in Berlin.
Dornao harr hei ein eigen Architektuurbüro in Berlin un möök tausaome Architektuur-warke mit Adolf Meyer (bit 1925).

Gropius äövernöhm 1919 in Weimar dat Leit äöver dei Hochschaule för Billende Künst. As hei dor sien Amt anträen dö, don wörd an' 01.04. 1919 dorut dat "Staotlike Bawhuus in Weimar". In dei Joahren 1925/26 bawede hei den neien Bawhuuskomplex in Dessau.
Nao sien Afträen van dat Bawhuus-Leit, 1928, warkede Gropius frei as Architekt in Berlin. Van 1934 bit 1937 warkede hei tausaome mit Maxwell Fry in London.

Huustyp van Walter Gropius1937 rööp üm dei Graduate School of Design an dei Harvard Universität. Dor kreeg hei af 1938 dat Leit äöver dat Architektuurafdeil.
In't süftige Joahr organiseierde hei dat Utstellen "Bawhuus 1919-1928" in New York un hei bawede sien eigen Huus in Lincoln, Massachusetts.
1964/65 möök hei eine Vörlaoge tau dat Bawhuus-Archiv in Darmstadt. Dit Vörhebben wörd eiers 1976 bit 1979 in Berlin in afännerte Form ümmesettet.
1969 störv Walter Gropius in Boston.

Gropius was äöver siene Amtstied weg för dat Bawhuus dei andrieven Minsch un dei tBawhuus-Breifmarkeausaomehollen Autorität. Uk nao dat Schluten van't Bawhuus sorgede hei för dat Anerkennen un Wiedergäben van dei Bawhuus-Idee.


In dit Link steiht Gropius siene Bawhuus-Idee.
Süh hier Biliographie
Süh Gropius-Reisebiller
Süh hier den YouTube-Film
Hier steiht wat äöver dei Bawhuus-Stadt.
Süh hier: Gropius-Huus, Historic New England
Süh hier noch mehr tau dat Gropius-Huus
Biller van't Gropius-Huus
In disse grote PDF-Datei sünd väle Biller van't Binnere van dat Dessauer Bawhuus to sehn.




trüch


na baven


na't Flack

na de Startsiet