Hatschi! Hüüt hett mi en Sünnenstrahl in de Nees kettelt un mi waak maakt. Dor bün ik gau upstahn. Dat wöör Tiet, dat ik wedder mal na de Bloom keek. Bi de Küll in de letzt Tiet weer ik gor nich in'n Goorn.

Da schaukel ik doch lever op mien Telgen!

Wat ik dor to sehn kreeg, hett mi richtig trurig maakt. De Winterjasmin harr meist all sien Blöden verloorn. De letzten leten de Köpp hangen un weern vun den Frost ganz bleek woorn! 'n poor Knubben weern noch dor. Villicht bringt de Sünnenschien se noch in Gang.

Huh, de Winterjasmin süht ja ut as 'n Reisigbessen!

Ganz anners weer dat bi de kloken Sneekieker! De weern noch in de Hüll bleven.

De Sneekiekers sünd plietsch! Se steekt eerst nu ehr Nesen ut de Hüll...

Blots vun de neeschierigen Kieker, de al ut de Hüll krapen weern, legen en poor Blöden up de Eer.

Süh, un sowat kümmt vun sowat!

Ok de lütten Winterlinge harrn de Küll goot överstahn. Ünner de Sneedeek harrn se sik versteekt un keken nu mit ehr lütten licht utfransten Köpp in de Sünn.

Hm tja, de Winterlinge sünd twoors struppig, aver quietschfidel!

Hach, hach, hach, wat is de Sünnschien schöön! Dat meen ik un dat meent de Winterling ok

Aver, ooh Schreck! Wi sehg dat bi de Christrosen ut! Ik heff ümmer seggt: "Weest nich so neeschierig!" Nu legen se door mit ehr Köpp up de Eer!

Also hier harr een ok mit de Dampfwalze langsfohrn kunnt, so platt sünd de!

Wo sull dat wiedergahn?
De Stengels weern afknickt un an de Stell weern se dörch den natten Snee verfuult. De sworen Blöden kunnen se nich mehr uprichten.

Hier kann ok de Sünnenstrahl nix mehr utrichten

He seggt, min Frünnen un Verwandten hebbt Lengen na mi!

Ik kunn wieder nix seggen as: "Passt neegsten Winter beder up!"

"Dat segg ik ok," höör ik door en seggen. Verwunnert keek ik mi üm. Dat weer doch de Stimm vun mien Baas!

Un wohrhaftig, he stünn achter mi in'n Goorn.
"Dat warrd langsam Tiet, dat du wedder na uns Sipp kümmst. Se luurt al up di!"

Uns Sipp leevt in enen groten Keefboom.

De Keefboom

Dor seet meist an jeden Telgen en Verwandten.

Mama, Tante Bertha, Tante Kitty, min Broder Troddel, Papa, Kusine Fanny, Opa, Unkel Knork.
Vun links na rechts!

Leev Kinner,
ik segg nu Tschüüs!

Juuch Tappi

Lesen deit Antje Heßler in holsteiner Platt.