Ik söök un söök,
wat annerswo noch Geister gifft...
Tau'n Anhören hier klicken:
Toierst will ik Juuch maal up Koorten wiesen, wo de Trolle un de Pukken leven.
Denn söök ik un söök, wat bi uns för Geister husen kunnen. Ik finn keen Spuur. Nich in de Höhl vun Sebarg, nich mang den Wacholder in'e Heid, nich in'n Nävel över de Kuhlen vun't Lavenstedter Moor.
Ierst in dat Riesengebirge is en Geist tohuus. Hei is en Barggeist, de meist mit all sien Maten ünner de Ierd bi dat Erz, in dat Metall inslaten is, huust, sik Häng un Höhlen buut hett. Wenn hei denn maal up de Ierd na buten kümmt, kümmt hei as en Mönk orrer in anner Verkleden.
Hei kann ok as elkeen Deert na baven kamen, Gegen gaude Minschen is hei fründlich, Sien Maten, sien Unnerdaan, de Barggeister,
Dat weer vör Tieden maal in't Riesengebirge.
In de Bäuker kannst nalesen, woans hei dat fröher mit de Minschen dreven hett. Nu bün ik spannt, wat wi in de negsten Johren vun de Sneikopp un dat Riesengebirg hören ward.
Orrer hett hei al de Wöstentrolle beden, uns
dissen Sommer 2010 ornlich intobäuten? Dat Korn up'n Acker wüss
nich ornlich, de Küürn bleven lütt. De Mais weer kneihooch
un nich mannshooch. De Bläder vun de Zuckerröven hüngen
welk. Egenlich nehm sik Rübezahl enkelt Minschen orrer en Haud, de wat bereten harrn, to Boost und nich de ganze Natuur un alle Minschen. Wokeen vun uns kann aver seggen, dat hei allens daan hett, de Natuur to bewohren? Jüst dunnert en Tornado över't Huus. De
bruukt för een Kuntrullfloog vun een Stunn so an 600 Liter Kerosin.
Sei fleigen meist to drütt. Dat sünd den 1800 Liter. |
||
Bild Sneikoppe in Winter: Sssiegmund/Wikimedia Commons Bild Rübezahl as Wilde Mann: ArtMechanic/Wikimedia Commons Bild Rübezahl vun Holt: Hejkal/Wikimedia Commons Bild Monster in de Wööst: bbc.co.uk.science/Wikimedia Commons Na de Översicht över Pukken un anner Geister Rudi Witzke
2.8.2010 |