Fru Holle

Riemel un Ledertext vun Addi Kahl


Segg mol, Fru Holle, wodennig is dat mol sowiet,
dat dat maal ornlich wedder sniet?
Un nipp un nau to Wiehnachtstiet!
Segg mol, Fru Holle, Opa vertellt vun Kinnertieden,
to rechte Tiet weer dat an Snien!
Wodennig sünd bloot düsse Tieden?

All daaglang weer dat gau to spöörn,
fröhmorgens glinster witte Riep vör de Dören,
un kort vör Wiehnacht’: „Düsse witte Pracht,
mit Millijarden Flocken över Nacht!“

Doch nu, Fru Holle, wi Kinner frag’n:
„Wo blifft dien Snee to Wiehnachtsdaag'n?
Kannst lüttje Knevels nich mehr lieden?
Fru Holle, dat is doch gediegen!“

Segg mol, Fru Holle, womööglich slöppst du topmodern
un hest statt Goosfeddern Kunststoff geern?
Dorgegen muttst du di doch wehr’n!

Segg, Fru Holle, geev ’t ornlich Snee, dat weer to schöön,
dat hest du fröher ok so sehn!
Wullt du, dat wi Kinner weent?

Schüddelst du morgens dien Bedden ut,
kommt dor kuum noch weeke Goosfedern ruut,
un all Kinner luurt vull Truur in den Heven:
Ward dat noch Flockenwimmeln geven?
Deswegen, Frau Holle, laat uns wetten,
hör op den Raat, de ward di redden:
„Slaap wedder in echte Feddernbetten,
is witte Wiehnacht noch to redden!“


Foto Fru Holle: Onderwijsgek at nl.wikipedia
Fotos Sneelandschap: cocoparisienne
Text: Addi Kahl

30.11.2017


na baven