Endlich harr se meist all in't Water.
Blots een lütt Küken wull noch nich so recht!
Nu möök Modder ehr Kinner vör,
wi se sik waschen sulln.
Dorbi sprütt se so dull mit dat Water,
dat de Lütten Bang harrn un an Land güngen.
"Hu, da warrst ja natt bi!"
Wedder an't Över putz Emma noch ehr Flünken.
Dat möken de Lütten na.
Se hebbt gau vun ehr Modder lehrt.
"Ach so geiht dat!"
Na dat Putzen un Waschen kunn nu de Reis losgahn.
Mit "Waak, waak, waak" reep Emma ehr Kinner,
un se stegen all achtereenanner in't Water.
Nu kann't losgahn!
Bi herrlich Weder möök sik de Aantenfamilie up
de Reis.
Dat Wader glitzer, se kunnen ehr Spegelbild sehn.
De Lütten harrn ehr'n Spaß doran.
Prima Reiseweder!
Emma harr ehr Kinner heel un sauber to Water
bröcht!
Nu kunn se sik vun de Arbeit verhalen!
|