Caspar vertellt:
Veel Swien un uns niege Wisch


 

 

 

I-AAH, I-AAH, I-AAH!


Juuch Caspar is wedder dor!
Kiek her, mien Kopp is wedder heel un mien Fell is wedder witt!

 

 

 

Poor Daag later sullen wi vun den Appelgoorn up en anner Wisch ümtrecken. Wi müssen de Straat lang lopen.

Vör uns leep en Vetter mit en lütten Jung up den Rüch.

De lütte Riedersmann weer ganz vergnöögt!
Wi lepen langsam achterna!

Up unsen Weg na de anner Wisch kemen wi över enen olen Buurnhoff.

In enen Hundezwinger leeg de Hoffhund up de Luur.
As he uns wies wöör, bell he böös luut.


Bell ruhig, du kannst us nix doon! Büst achter Trallen, wilde Hund!

Achter dat Buurnhuus weer de Swienstall. De Döör stünn wiet open.

Ut de Döör kemen mit luut Grunzen un Quieken...

... luder lütte Farken!

 

Dat weer en groot Drängelee.


Endlich weern se all buten.
Nu lepen teihn lütte Farken vergnöögt up den Hoff hin un her.

Nadem se allens besnüffelt un ünnersöcht harrn,...

...lepen se wedder in den Stall na ehr Modder.
Dor geev dat wat to drinken!


Komisch, so maakt wi Esel dat ok: Eerst dat Aventüür, denn drinken bi Moder!


Uns Weg güng wieder över den Hoff.
De Hund harr sik in de Twischentiet beruhigt.

He luur aver ümmer noch achter uns her!

Up den Weg över den Hoff keem uns noch
de Buur mit sien Trecker in de Queer.

Wi müssen alltohoop gau an de Siet gahn.

 

Endlich weern wi up de anner Wisch!

Ik harr ok al groten Hunger kregen!
Dat frische Gras up de Wisch smeckte
mi wedder goot!

 

 

Ik segg nu Tschüüs!
Bit to'n neegsten Mal!

Juuch Caspar

 


Un hier warrt mien Geschicht vörleest:


Lesen deit Antje Heßler in holsteiner Platt.

 


4.7.2010


na baven