Weets du, wo veel Steerns an'n Heven

Wies: Weißt Du, wie viel Sternlein stehen
Wöör: Wilhelm Hey (1789 - 1854)
Plattdüütsch Wöör: Heinrich Evers, Neustadt in Holstein


Weets du, wo veel Steerns an'n Heven
lüchten daal uns op'e Eer?
Weets du, wo veel Wulken sweven
över't Land un över't Meer?
Gott, uns Herr, tellt se tosamen,
he will: Keeneen sall afkamen
vun de bannig grote Tall,
vun de bannig grote Tall.

Weets du, wo veel Müggen spelen
in de hitte Summersgloot?
Weets du, wo veel Fisch sik köhlen
in de blage Waterfloot?
Gott, uns Herr, reep se in't Leven,
hett ehr Leev un Naams mitgeven,
dat se nu so hööglich sünd,
dat se nu so hööglich sünd.

Weets du, wo veel lütte Kinner
slaat vunmorgen ehr Ogen op,
dat se fröhlich un ahn Kummer
speelt un höögt sik alltohoop?
Gott in'n Heven hett doch jümmer
sien Hart ap'n för all sien Kinner,
kennt ok di un hett di leev,
kennt ok di un hett di leev.

Weets du, wo veel flüchten Minschen
staht vunmorgen mit Hunger op?
Laat se blots in'n Freden leven
un ok satt warrn alltohoop.
Wi leevt all doch ünner'n Heven,
de uns Hergott uns hett geven,
egaal, wo wi boren sünd,
egaal, wo wi boren sünd.


17.1.2016


na baven