Pingsten 2013

vun Rudi Witzke


To'n Anhören hier klicken:


Lesen deit Rudi Witzke in vörpommersch Platt.


 


De Sünn. Digitaalbild Rudi Witzke

blaag is de heven
bit hen na dat lila holt
kannst binah na dat enn
vun uns welt seihn

laat de sünn di warmen,
sitt an'n knick
puust denn deip dörch
un jümmer noch maal

sluut de ogen,
de nieschierig
hen un her hoppen
nich verwielen willt

ik sluut de ogen
höör noch mien puust
denn aver de fladder-esch
mit jümmers gliekes ruscheln

denn is dor
een ludes piaaah piaaah
de bussard seilt un röppt
de welt is schöön

flink in schwarm
huschen se över di weg
de spreigen beten laat
to'n hochtietsdanz

nu hörst piep
un villicht piep, pieeeöp
spreigen kommandos
nüms stött de annern

 

 

 

 

 

 

un du luscherst
horkerst, lüüsterst
een jubelsang överall
den fehlt bloots

een deipe baas
uuuuh! uuum
deip de toon
bummm bum

ut de mergelkuhl
kümmt nau de takt
uum—— umm—— umm
de uunk

un fien singt
di't üm'n kopp
dit siiissssssss
vun de müggen

jümmer wieder
geiht dat konzert
un du merrenmang
een deil dorvun

wovun?
dat seggt di
en flögelklatschen
un en guurrrr

de pingstduuv
mit ehr bott
hett ehr nest
dor achtern in'n knick

un all höört wi dat
den jubel vun uns natuur
den wi bedenkt
un hüüt Pingsten nöömt

wo wi allens verstaht
den naver de jungs un deerns
un allens wat natuur vagels un unken
un den schöpper de sää allens is gaud

 


19.5.2013


na baven